سبد کالا

ایتاَ روغن ایتاَ مورغ ایتاَ مورغانه
زندگی چیسه برارجان ، پاسُخده هانــِه

زانای مرا فاده ایتا کارت و زنبیل
صف که نبو صومعه سرا تا منجیل

زن و مرد ایسه بون هاتو کون به کون
سیگار جه بغلی چوم بُوُسته بو خون

ایتاَ گه شلوغه بیشیم فردا باییم
ایتاَ گه هَیَ بــِس اَمَراَ فوقاییم

ایتاَ کوتهِ ایتاَ پیلهِ ایتاَ تاس
ایتاَ زاکِ ایتاَ پیر ِ ایتاَ کاس

ایتاَ موعلم،می دوختَرَ درس دَهیی
ایتاَ فقیر، هروز مَراَ پول خوایی

اَیاَ چی بو جمعه بازار مانَسته
رنگ و مدل مردم ِ عاشورا دَسته

ایتاَ شماره ده اون دانه فریاد زَنه
ایتاَ شه ، دهتا آیــِه،مرداک مَراَ داد زَنه

هاسا شِه مگه دوارسَن؟
به موقع دَر ِ سَر فار ِسَن؟

تا فار ِسَم مَرداک بعدیه نامهِ بور ِه
مَراَ ندینه نوگو اونـِه چوم کور ِه

گِم حاجی تو مَراَ دوخادی
می سبداَ می کالایاَ فاندی؟

گه کیسی؟ گِم مَم سیا
مَراَ گه بوشو فرداَ بیا

هاسا مَراَ خنده گیفته
خونم می چوماناَ سَرَ بیگیفته

موشت بیگیرَم اَناَ کَرجَ کونَم
اَناَ دماغَ بیگیرَم پَرچَ کونَم

گِه تمام بووستــِه بیلاوَرَس توخم مورغ
فادان مَراَ هون روغن و دوتاَ مورغ

می کله چَرخــِه مورغانه مورغانه
بازم صدا آیـــِه زندگی هانــِه